Ergo- og fysioterapieindin
NBH veitir fólkapensjónistum í Norðoyggjum ergo- og fysioterapi, tá tørvur er á hesum. Tænastan hevur til endamáls at stimbra likamliga, sálarliga og sosialt, soleiðis at borgarin kann búgva í egnum heimi, vera virkin í egnum lívi og í samfelagnum sum longst.
Endamálsorðingin hjá ergo- og fysioterapieindini í NBH er soljóðandi:
- Stuðla undir at borgarin varðveitir, endurvinnur ella endurmennir sín virkisførleika, soleiðis at hann er so virkin og sjálvbjargin sum gjørligt.
- Stuðla undir góða heilsustøðu og vera við til at fyribyrgja afturgongd í førleikastøðuni hjá borgaranum.
Avgerð um veiting av ergo- og/ella fysioterapi verður tikin við støði í eini fakligari meting.
Tænastan:
Tænastan fevnir um ergo- og fysioterapi, heimavitjan við atliti til møgulig hjálpartól og bústaðarbroyting, vegleiðing og ráðgeving, visitering, endurvenjing, viðlíkahaldsvenjing, fyribyrgjandi venjing, rehabilitering o.a. til heimabúgvandi fólkapensjónistar, eins og fólk, ið búgva á búeindunum hjá NBH, ið hava tørva á, ynski um og virkin kunnu taka lut í venjing.
Um tygum tørva tænastu frá ergo- og fysioterapieindini, ber til at venda sær til NBH á tel. 793400, yrkadagar millum kl. 8:00 til 15:00 ella við at útfylla umsóknarblaðið við at trýsta á knøttin niðanfyri.
Ergo- og fysioterapieindini í NBH húsast í Ven og Virka á Kjalarvegi 48.
Deildarleiðari er Hedevig Matras, fysioterapeutur.
Leiðandi ergoterapeutur er Sóley Sjúrðaberg.
Adressa:
Kjalarvegur 48
700 Klaksvík
Tel. 793464