Mattænasta
Heimabúgvandi fólkapensjónistar hava møguleika fyri at søkja um at fáa døgurða koyrdan heim allar dagar í árinum. Tygum avgera sjálv/-ur, hvussu nógvar dagar um vikuna, tygum vilja hava døgurða.
Endamálið við tænastuni er:
At stimbra soleiðis, at fólkapensjónisturin kann búgva í egnum heimi sum longst.
Døgurðin verður framleiddur á Klaksvíkar Sjúkrahúsi, og skal hitast eftir leiðbeining frá sjúkrahúsinum. Maturin kann hitast bæði í ovni og mikroovni. Hava tygum tørv á hjálp til at hita matin, ber eisini til at søkja um heimahjálp til hetta.
Høvuðsrætturin kostar 58 kr.
Høvuðsrættur og suppa/dessert kosta 65 kr.
Hava tygum tørv á hesi tænastu, ber til at venda sær til NBH á tel. 793400, yrkadagar millum kl. 8.00 til 15.00 ella við at útfylla umsóknarblaðið við at trýsta á knøttin niðanfyri.
Avgerð um at veita hesa tænastu verður tikin við støði í eini fakligari meting.
Grundað á arbeiðsgongdina í køkinum á Klaksvíkar Sjúkrahúsi er neyðugt, at tygum geva avboð tríggjar dagar frammanundan, um tygum onkuntíð ikki ynskja døgurða. Tað kann gerast á tel. 404581 millum kl. 8:00 til 14:00. Somuleiðis við tilmeldan aftur.